香港教師會九十周年系列活動 - 香港發展故事講座
主 講 : 高家裕教授
日 期：2024.8.9（周五） 晚上7~9時
地 址: 彌敦道242號“立信大廈” 7字樓A座
主辦： 香港教師會
（在地鉄佐敦站、恒豐中心出口……佐敦道“裕華國貨”對角街口）
香港開埠以來以至日後不同期間的發展，主要是不斷的海岸綫的改變與及香港人的拼搏精神，當中不少令人激賞和有趣的故事。其中如灣仔海邊原在大道東，但今日已移至遠遠的會展處。灣仔大填海後曾劃為東部的高尚住宅區，港督也曾住在這裡，可西面卻成為廣大的倉庫與碼頭工人住宿地，點解會咁奇怪？
黃埔船塢、渣甸倉、太古船塢的發展過程如何？點解香港地皮存有年期限制、又分999、75又75？
又有99又99等咁奇怪？
咩嘢叫做“地積比例”同“航空管制高度”？點解尖沙咀區曾一律都係咁高同咁劃一？天水圍到底有幾大？點解會有個“中央大公園”？（天水圍的故事詳細起來可以講足大半個鐘頭）
仲有
彌敦係香港總督中任期最短嘅，但佢對九龍嘅發展就貢獻最大！咁佢點解咁快就要“執包袱”唧？
最後仲想問問大家：香港地産代理的鼻祖係邊個？佢做成咗香港開埠以來最大一單買賣喺邊度？天文數字的佣金有多少？
……仲有:
香港開埠以來唯一一塊拍賣嘅官地可以分期付款，呢塊地喺邊度？同時有一塊地拍賣時底價3千萬無人承接，但一年後氣氛改變，底价仍然三千萬，卻在爭相競逐下，竟以一億三千萬元成交，您説驚人不驚人！？（試想一年前若有個儍佬揸住份報紙舉下手，咁就唔係“無端端”發達？）
上述呢啲豐富而有趣、喺第度冇可能聼得到嘅“趣味香港”故事，可以喺9/8（周五）晚上7:00喺香港教師會由喺香港不同行業縱橫六十多年（但記憶卻還未衰退）嘅高家裕教授話您知！（仲有無數咁多可以隨口噏來）。
由於講者先後在報界，銀行金融及教育等界別服務及進行研究，故對地産及各大企業與不同行業的發展，掌握不少特有資料，因而可對香港的發展的豐富知識和深具趣味的歷史故事予以介紹！
避免向隅及較有利取得座席，可先行致電2367 3420 或2368 2145 香港教師會留座。